Cwrs Lefel 1 mewn Athroniaeth i Blant

Os ydych yn awyddus i sbarduno eich disgyblion i feddwl mewn ffordd greadigol a beirniadol, yna dyma’r cwrs i chi. Bydd y cwrs deuddydd hwn yn cynnig cyflwyniad llawn i’r dull addysgu Athroniaeth i Blant (P4C).

Achredir ein hyfforddwr gan SAPERE, sy’n hyrwyddo P4C ledled y DU. Wedi i chi gwblhau’r cwrs Lefel 1 mae modd i chi symud ymlaen at Lefelau 2 a 3: gweler www.sapere.org.uk/courses/index.aspx am fanylion.

Yn ogystal â chynorthwyo wrth ddysgu meysydd pwnc, gall P4C gyfoethogi ABCh, ADCDF a gofynion Sgiliau Meddwl cwricwlwm cenedlaethol 2008.

»  Rhaglen enghreifftiol

Anogir trafodaeth agored a chydweithio trwy gydol y cwrs, sy’n cynnwys yr elfennau canlynol:

  • Cyflwyniad i theori a manteision P4C
  • Sesiynau ymarferol – dysgwch trwy roi cynnig ar y dull P4C
  • Hwyluso ymchwiliad athronyddol yn effeithiol
  • Arweiniad ar gysylltiadau â’r cwricwlwm ac amserlennu P4C
  • Cyngor ar adnoddau defnyddiol
  • Y cyfle i wylio fideos o P4C ar waith

Y gost at gyfer y cwrs dibreswyl hwn fydd £250 y pen (£200 ar gyfer ail athro neu fwy o’r un ysgol). Mae hyn yn cynnwys:

  • 2 ddiwrnod llawn o hyfforddiant
  • Cinio a lluniaeth ysgafn ar y ddau ddiwrnod
  • Taflenni gwybodaeth y cwrs
  • Llawlyfr Lefel 1 a thystysgrif SAPERE am bob gynrychiolydd


Pecyn Cyflwyno Lefel 1

Gall ysgolion unigol fanteisio ar becyn cyflwyno arbennig, ar gost unwaith ac am byth o £1,150.

Mae hyn yn cynnwys:

  • Cwrs 2-ddiwrnod Lefel 1, yn ôl y disgrifiad uchod
  • 2 lawlyfr cwrs Lefel 1 gan SAPERE
  • 2 wers enghreifftiol (hyd at 90 munud yr un) gydag athrawon yn arsylwi
  • Aelodaeth Gyswllt o CEWC-Cymru am flwyddyn

 

Philosophy for Children training

Cwrs nesaf:

27 a 28 Medi 2010
Y Deml Heddwch, Caerdydd

(ar gyfer athrawon ysgol gynradd ac uwchradd)

»  Ffurflen gofrestru (PDF, 72Kb) 

 "Diolch, CEWC-Cymru, am eich help, cefnogaeth ac adnoddau wrth i ni redeg ein rhaglen Athroniaeth i Blant (P4C). Bu’r diwrnodau hyfforddiant yn gymysgedd penigamp o strategaeth, gweithgareddau ymarferol, ac amser i feddwl am sut all P4C gael ei ddatblygu ar gyfer yr holl ysgol. Yr oedd y cyfle i ymarfer y 10 cam o’r ymchwiliad yn fuddiol iawn, gan iddo roi hyder a brwdfrydedd i’r athrawon i weithredu’r rhaglen yn ôl yn eu hysgolion."

Rhian Kenny, Cyngor Sir Caerfyrddin