Athroniaeth i Blant

Mae CEWC-Cymru yn credu bod y gallu i feddwl yn feirniadol ac yn greadigol yn rhan anhepgor o fod yn ddinesydd byd-eang cyfrifol.

Er 2004, rydym wedi bod yn hyrwyddo’r dull ystafell ddosbarth Athroniaeth i Blant (P4C) i helpu disgyblion i ddatblygu sgiliau o’r fath.

Rydym yn cynnig nifer o wasanaethau i ysgolion yn y maes hwn:

• Hyfforddiant i athrawon, gan gynnwys cyrsiau P4C a achredir gan SAPERE
• Gwers P4C enghreifftiol gydag unrhyw grŵp oedran
• Dinasyddion sy’n Meddwl, adnodd sylfaenol at gysylltu P4C gydag Addysg Bersonol a Chymdeithasol (ABCh)
• Rhestr o adnoddau eraill yr ydym yn eu defnyddio yn ein gwaith P4C

"Rhaglen wych, sydd yn cefnogi addysgu ABCh ac ADCDF ar gyfer bod oedran. Mae hefyd yn help i ddatblygu sgiliau meddwl a chyfathrebu'r sawl sydd yn cael eu dysgu, yn ogystal â’r ddawn allweddol fwy eang o weithio gydag eraill."

Rhian Kenny, Cyngor Sir Caerfyrddin

Dechreuodd CEWC-Cymru archwilio’r cysylltiadau rhwng P4C ac addysg ym maes dinasyddiaeth yn 2004, gan weithio gyda phedair ysgol gynradd ym Mlaenau Gwent ar gyfer prosiect a noddwyd gan Sefydliad Esmée Fairbairn. Ers hynny, rydym wedi hyfforddi cannoedd o athrawon i arwain trafodaeth athronyddol yn yr ystafell ddosbarth, gan ddefnyddio P4C ar y cyd ag ABCh, ADCDF a’r maes Sgiliau Meddwl newydd ar y cwricwlwm yng Nghymru.