Pencampwriaethau Dadlau Ysgolion Cymru

Mae’n pencampwriaeth flynyddol, sy’n cael ei noddi gan Fanc Julian Hodge, yn digwydd bob Hydref a Thachwedd ac mae’n agored i bob ysgol uwchradd a choleg yng Nghymru. Mae dros 50 o dimoedd yn cymryd rhan bob blwyddyn.

» Pencampwriaethau Dadlau Ysgolion Cymru 2008, Ffurflen Gofrestru (105KB)

Mae’r cofrestru ar gyfer y Pencampwriaethau’n cychwyn ym mis Mehefin. Anfonir y pynciau ar gyfer y dadleuon, sy’n cael eu cynnal yn Saesneg, at y cystadleuwyr ym mis Mehefin, ynghyd â chopi o’n Llawlyfr Dadlau.

Rhennir camau cyntaf y gystadleuaeth yn 8 rownd ranbarthol, gyda’r rowndiau gogynderfynol a chynderfynol cenedlaethol yn cael eu cynnal yng Ngregynog, Powys, a’r rownd derfynol yn y Deml Heddwch, Caerdydd. Ewch i edrych ar ganlyniadau cystadleuaeth y llynedd.

Os ydych chi’n newydd i’r gystadleuaeth, peidiwch â phoeni! Rydym hefyd yn trefnu Dyddiau Hyfforddi ar Ddadlau i helpu myfyrwyr ddeall beth sydd ei angen.