Menter ryngwladol yw’r Senedd Ieuenctid Ewropeaidd (EYP) sy’n galluogi pobl ifanc i fynd i’r afael â materion Ewropeaidd. Bydd myfyrwyr yn cynrychioli gwahanol bwyllgorau Senedd Ewrop ac yn dadlau ar bynciau megis diogelwch, hawliau dynol, y celfyddydau, newid yn yr hinsawdd a mewnfudo.
» Mae'n bleser gennym gyhoeddi y bydd y Grŵp Cydweithredol yn cefnogi digwyddiadau ein EYP am y 3 blynedd nesaf.
Mae CEWC-Cymru’n trefnu dau ddigwyddiad EYP bob blwyddyn: Fforwm Gogledd Cymru a Fforwm De Cymru. Gwahoddir pob ysgol yng Nghymru i anfon hyd at 6 myfyriwr rhwng 15 a 17 mlwydd oed. Os bydd mwy na 10 ysgol yn gwneud cais mewn unrhyw ranbarth, byddwn yn dewis 10 ysgol ar hap i gymryd rhan. Bydd un tîm o bob Fforwm yn cael ei ddewis i gymryd rhan mewn Sesiwn Cenedlaethol EYP y DU'r flwyddyn ysgol ddilynol, felly rhaid i ddisgyblion fod ym Mlwyddyn 12 neu’n is i fod yn gymwys ar gyfer sesiynau Cymru.
Mae EYP yn galw ar aelodau tîm i weithio gyda’i gilydd i ddangos eu sgiliau o weithio fel tîm, cyfathrebu a datblygu syniadau. I gael rhagor o wybodaeth, ewch i’r adran ar arddull dadlau.
";}Cliciwch ar enwau’r categorïau neu’r cysylltiadau er mwyn edrych arnynt. Bydd hofran dros y cysylltiadau’n dangos rhagor o wybodaeth os oes rhagor ar gael.
Lle mae hynny ar gael, bydd hofran dros y delweddau‘n dangos disgrifiad; bydd clicio‘r ddelwedd neu‘r label yn arddangos y ddelwedd yn ei maint llawn